Qazaqstan Respýblıkasy Ulttyq ekonomıka mınıstrliginiń buıryǵy  №33 

2014 jylǵy 30 qyrkúıek, Astana qalasy Qazaqstan Respýblıkasy Ulttyq ekonomıka mınıstrliginiń Statıstıka komıteti týraly erejeni bekitý týraly «Normatıvtik quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasy Zańynyń 29-babynyń 1-tarmaǵynyń 6) tarmaqshasyna jáne «Qazaqstan Respýblıkasy ortalyq atqarýshy organdarynyń vedomstvolary týraly» Qazaqstan Respýblıkasy Úkimetiniń 2014 jylǵy 14 tamyzdaǵy №933 qaýlysyna, «Qazaqstan Respýblıkasy Ulttyq ekonomıka mınıstrliginiń máseleleri» týraly Qazaqstan Respýblıkasy Úkimetiniń 2014 jylǵy 24 qyrkúıektegi №1011 qaýlysyna sáıkes buıyramyn: 1. Qosa berilip otyrǵan Qazaqstan Respýblıkasy Ulttyq ekonomıka mınıstrliginiń Statıstıka komıteti týraly ereje (budan ári – Ereje) bekitilsin. 2. Qazaqstan Respýblıkasy Ulttyq ekonomıka mınıstrliginiń Statıstıka komıteti (Á. A.Smaıylov) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq memlekettik tirkelgennen keıin on kúntizbelik kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryq alǵashqy resmı jarııalanǵan kúninen bastap qoldanysqa engiziledi. Mınıstr E.DOSAEV. Qazaqstan Respýblıkasy Ulttyq ekonomıka mınıstriniń 2014 jylǵy 30 qyrkúıektegi №33 buıryǵymen bekitilgen Qazaqstan Respýblıkasy Ulttyq ekonomıka mınıstrliginiń Statıstıka komıteti týraly ereje 1. Jalpy erejeler 1. Qazaqstan Respýblıkasy Ulttyq ekonomıka mınıstrliginiń Statıstıka komıteti (budan ári – Komıtet) Qazaqstan Respýblıkasy Ulttyq ekonomıka mınıstrliginiń (budan ári – Mınıstrlik) ózine júktelgen fýnksııa­lardy júzege asyratyn vedomstvosy bolyp tabylady. Komıtettiń negizgi mindetteri memlekettik statıstıka salasyndaǵy memlekettik saıasatty iske asyrý bolyp tabylady. 2. Komıtet óz qyzmetinde Qazaqstan Respýblıkasynyń Konstıtýsııasyn, zańdaryn, Qazaqstan Respýblıkasynyń Prezıdenti men Úkimetiniń aktilerin, ózge de normatıvtik quqyqtyq aktilerdi, sondaı-aq osy Erejeni basshylyqqa alady. 3. Komıtet uıymdyq-quqyqtyq nysany memlekettik mekeme bolyp tabylatyn zańdy tulǵa, oqshaýlanǵan múlki, memlekettik tilde óz ataýy jazylǵan mórleri men mórtańbalary, belgilengen úlgidegi blankileri, sondaı-aq zańnamaǵa sáıkes qazynashylyq organdarynda shottary bar. Komıtet azamattyq-quqyqtyq qatynastarǵa óz atynan túsedi. Eger Komıtetke, zańnamaǵa sáıkes ýákilettik berilse, memlekettiń atynan azamattyq-quqyqtyq qatynastar taraby bolady. 4. Komıtet óz quzyretindegi máseleler boıynsha zańnamada belgilengen tártippen Komıtet tóraǵasynyń nemese ony almastyratyn tulǵanyń buıryqtarymen resimdeletin sheshimder qabyldaıdy. 5. Komıtettiń qurylymy men shtat sanyn Qazaqstan Respýblıkasy Ulttyq ekonomıka mınıstriniń kelisimi boıynsha Mınıstrliktiń jaýapty hatshysy bekitedi. 6. Komıtettiń zańdy mekenjaıy: 010000, Astana qalasy, sol jaq jaǵalaý, Orynbor kóshesi, № 8 úı, 4-kireberis, «Mınıstrlikter úıi» ákimshilik ǵımaraty. 7. Komıtettiń tolyq ataýy – «Qazaqstan Respýblıkasy Ulttyq ekonomıka mınıstrliginiń Statıstıka komıteti» Respýblıkalyq memlekettik mekemesi. 8. Osy Ereje Komıtettiń quryltaı qujaty bolyp tabylady. 9. Komıtet qyzmetin qarjylandyrý respýblıkalyq bıýdjetten júzege asyrylady. 10. Komıtetke Komıtettiń fýnksııalary bolyp tabylatyn mindetterdi oryndaý turǵysynda kásipkerlik sýbektilermen sharttyq qatynastarǵa túsýge jol berilmeıdi. Eger Komıtetke zańnamalyq aktilermen kirister ákeletin qyzmetti júzege asyrý quqyǵy berilse, onda mundaı qyzmetten alynǵan kirister memlekettik bıýdjettiń kirisine jiberiledi. 11. Komıtet: 1) Statıstıkalyq qyzmetti josparlaý basqarmasynan; 2) Ulttyq shottar basqarmasynan; 3) Qurylymdyq statıstıka basqarmasynan; 4) Baǵa statıstıkasy basqarmasynan; 5) О́ndiris jáne qorshaǵan orta statıstıkasy basqarmasynan; 6) Qyzmet kórsetý jáne energetıka statıstıkasy basqarmasynan; 7) Áleýmettik jáne demografııalyq statıstıka basqarmasynan; 8) Eńbek jáne turmys deńgeıi statıstıkasy basqarmasynan; 9) Tirkelimder basqarmasynan; 10) Jiktelimder jáne aqparattyq tehnologııalar basqarmasynan; 11) Jarııalanymdar jáne statıstıkalyq aqparatty tartý basqarmasynan 12) Qarjy jáne qujattamalyq qamtamasyz etý basqarmasy nan; 13) Zań basqarmasynan; 14) Halyqaralyq statıstıkalyq yntymaqtastyq basqarmasynan; 15) Personaldy basqarý qyzmetinen; 16) Memlekettik qupııalardy qorǵaý jónindegi bólimshesinen turady. 12. Komıtet «Qazaqstan Respýblıkasy Ulttyq ekonomıka mınıstrligi Statıstıka komıtetiniń aqparattyq-esepteý ortalyǵy» sharýashylyq júrgizý quqyǵyndaǵy respýblıkalyq memlekettik kásiporynyn basqarýdy júzege asyratyn organ bolyp tabylady. 2. Komıtettiń negizgi mindetteri, fýnksııalary, quqyqtary men mindetteri 13. Mindeti: statıstıkalyq ádisnamany qalyptastyrý; Fýnksııalary: 1) halyqaralyq statıstıkalyq standarttarǵa sáıkes statıstıkalyq ádisnamany qalyptastyrady; 2) jalpymemlekettik statıstıkalyq baıqaýlar boıynsha ádistemelerdi ázirleıdi jáne bekitedi; 3) jalpymemlekettik statıstıkalyq baıqaýlar boıynsha statıstıkalyq ádisnamany bekitedi; 4) ulttyq sanaqtardyń baǵdarlamalaryn ázirleıdi jáne olardyń iske asyrylýyn qamtamasyz etedi; 5) mynadaı statıstıkalyq tirkelimderdi: statıstıkalyq bıznes-tirkelimdi; halyqtyń statıstıkalyq tirkelimin; aýyl sharýashylyǵynyń statıstıkalyq tirkelimin; turǵyn úı qorynyń statıstıkalyq tirkelimin júrgizýdi júzege asyrady; 6) memlekettik statıstıka organdaryn ýákiletti organnyń ınternet-resýrstarynda ornalastyrý arqyly statıstıkalyq jikteýishtermen qamtamasyz etedi; 7) vedomstvolyq jiktelim júrgizýdiń úlgi ádistemesin bekitedi; 8) statıstıkalyq jumystar josparyna sáıkes jalpymemlekettik statıstıkalyq baıqaýlardy uıymdastyrady jáne júrgizedi; 9) jalpymemlekettik jáne vedomstvolyq statıstıkalyq baıqaýlar júrgizý úshin statıstıkalyq nysandardy, olardy toltyrý jónindegi nusqaýlyqtardy, sondaı-aq olardyń bekitilý tártibin bekitedi; 10) respondentterdiń alǵashqy statıstıkalyq derekterdi usyný tártibin bekitedi; 11) respondentter alǵashqy statıstıkalyq derekterdi usynǵan kezde olardy statıstıkalyq nysandarmen jáne olardy toltyrý jónindegi nusqaýlyqtarmen qamtamasyz etedi; 12) ákimshilik derekterdi jınaýǵa arnalǵan nysandardy kelisedi; 13) ákimshilik derekterdi statıstıkalyq aqparatty túzý jáne statıstıkalyq tirkelimderdi ózektendirý úshin ǵana paıdalanady; 14. Statıstıkalyq qyzmetti memlekettik statıstıka qaǵıdalaryn saqtaı otyryp júzege asyrý Fýnksııalary: 1) memlekettik statıstıka salasyndaǵy memlekettik saıasatty qalyptastyrý boıynsha usynystar ázirleıdi jáne iske asyrady; 2) quzyreti sheginde memlekettik statıstıka salasyndaǵy halyqaralyq yntymaqtastyqty júzege asyrady jáne yntymaqtastyq sheginde sharttar jasasady; 3) memlekettik statıstıka salasynda ǵylymı-zertteý ázirlemelerin uıymdastyrady; 4) memlekettik statıstıka organdarynyń statıstıkalyq qyzmetiniń vedomstvolyq statıstıkalyq baıqaýlar jónindegi statıstıkalyq ádisnamaǵa sáıkestigine saraptama júrgizedi jáne saraptama júrgizýge qajetti qujattardy (aqparatty) suratady; 5) memlekettik statıstıka salasyndaǵy Qazaqstan Respýblıkasy zańdarynyń jáne Qazaqstan Respýblıkasynyń Úkimeti qaýlylarynyń talaptaryn saqtaý turǵysyndaǵy tekserýlerdi qospaǵanda, memlekettik statıstıka salasynda, onyń ishinde respondentter usynǵan statıstıkalyq derekterdiń jáne sharýashylyq boıynsha esepke alý derekteriniń dáıektiligine memlekettik baqylaýdy júzege asyrady; 6) memlekettik organdarda qalyptastyrylatyn eseptiliktiń biryńǵaı tizilimin ázirleıdi; 7) memlekettik organdardyń statıstıkalyq aqparatty túzý prosesin sıpattaýdyń úlgi ádistemesin bekitedi; 8) retteý, iske asyrý jáne baqylaý-qadaǵalaý fýnksııalaryn júzege asyrady jáne Komıtettiń quzyreti sheginde ortalyq atqarýshy organnyń strategııalyq fýnksııalaryn oryndaýǵa qatysady; 9) memlekettik statıstıka salasyndaǵy normatıvtik quqyqtyq aktilerdi bekitedi; 15. Mindeti: qoǵamnyń, memleket pen halyqaralyq qoǵamdastyqtyń resmı statıstıkalyq aqparatqa degen qajettilikterin qanaǵattandyrý Fýnksııalary: 1) josparlanatyn jyldyń aldyndaǵy jyldyń 1 shildesine deıingi merzimde statıstıkalyq jumystar josparyn, respondentterdiń alǵashqy statıstıkalyq derekterdi usyný kestesin jáne resmı statıstıkalyq aqparatty aldaǵy kúntizbelik jylǵa taratý kestesin qalyptastyrýdy qamtamasyz etedi; 2) respýblıkanyń jáne onyń óńirleriniń áleýmettik-ekonomıkalyq jaǵdaıy týraly aqparattyq statıstıkalyq derekqordy jınaqtaýdy, júrgizýdi jáne ózektendirýdi qamtamasyz etedi; 3) Keden odaǵyna múshe memleketter arasyndaǵy ózara saýda statıstıkasyn qalyptastyrady jáne júrgizedi; 4) Qazaqstan Respýblıkasynyń Ákimshilik quqyq buzýshylyqtar týraly kodeksinde belgilengen tártippen ákimshilik quqyq buzýshylyqtar týraly isterdi qozǵaıdy, qaraıdy jáne ákimshilik jaza qoldanady; 5) Komıtetke Qazaqstan Respýblıkasynyń zańnamasymen júktelgen ózge de fýnksııalar men baǵyttardy júzege asyrady. 16. Quqyqtary men mindetteri: 1) óz quzyreti sheginde oryndaý úshin mindetti normatıvtik quqyqtyq aktilerdi qabyldaý; 2) memlekettik organdardan, uıymdardan, olardyń laýazymdy tulǵalarynan zańnamada belgilengen tártippen qajetti aqparatty jáne materıaldardy suratý jáne alý; 3) óz quzyreti sheginde konsýltatıvtik-keńesshi jáne sarapshylyq komıssııalar qurý; 4) respondentterden aqysyz negizde bastapqy statıstıkalyq derekterdi alý; 5) úı sharýashylyqtarynan aqysyz jáne aqyly negizde olardyń kiristeri men shyǵystary týraly qajetti bastapqy statıstıkalyq derekterdi alý; 6) statıstıkalyq derekterdi túzý kezinde alǵashqy statıstıkalyq derekterdiń dáıektiligin rastaý úshin respondentterden qosymsha aqparatty talap etý; 7) respondentterdiń alǵashqy statıstıkalyq derekterdi burmalaýy anyqtalǵan kezde respondentterden bastapqy statıstıkalyq derekter qamtylǵan statıstıkalyq nysandarǵa túzetýler engizýdi talap etý; 8) Qazaqstan Respýblıkasynyń Úkimetine ulttyq sanaq júrgizý qajettigi týraly usynys engizý; 9) statıstıkalyq jumystar josparyn oryndaý úshin respondentterdiń alǵashqy statıstıkalyq derekterdi usyný kestesin jáne resmı statıstıkalyq aqparatty taratý kestesin bekitý; 10) resmı statıstıkalyq aqparatty taratý kestesine sáıkes statıstıkalyq jumystar josparynda kózdelgen kólemde resmı statıstıkalyq aqparatty taratýdy qamtamasyz etý; 11) Mınıstrliktiń Statıstıka komıtetiniń ınternet-resýrsynda ornalastyrý jolymen paıdalanýshylarǵa sapaly resmı statıstıkalyq aqparat pen statıstıkalyq ádisnamaǵa ruqsat etýge teń quqyqty qamtamasyz etý; 12) qoldanystaǵy zańnamalyq aktilerde kózdelgen ózge de quqyqtardy júzege asyrý. 3. Komıtettiń qyzmetin uıymdastyrý 17. Komıtet zańnamalyq aktilerge, Qazaqstan Respýblıkasy Prezıdentiniń aktilerine, Qazaqstan Respýblıkasynyń ózge de normatıvtik quqyqtyq aktilerine sáıkes óz mindetteri men fýnksııalaryn iske asyrý úshin qajetti ókilettikterge ıe. 18. Komıtetti Qazaqstan Respýblıkasynyń zańnamasynda belgilengen tártippen qyzmetke taǵaıyndalatyn jáne qyzmetten bosatylatyn tóraǵa basqarady. 19. Tóraǵanyń orynbasarlary bolady, olardy laýazymǵa zańnamamen belgilengen tártipte Komıtet tóraǵasynyń usynymy boıynsha Mınıstrliktiń jaýapty hatshysy taǵaıyndaıdy jáne bosatady. 20. Tóraǵa Mınıstrliktiń jaýapty hatshysyna Komıtettiń qurylymy jáne shtat kestesi boıynsha usynystar beredi. 21. Komıtettiń tóraǵasy Komıtettiń qyzmetine basshylyqty júzege asyrady jáne uıymdastyrady. 22. Osy maqsattarda Tóraǵa: 1) óziniń orynbasarlary men Komıtet qyzmetkerleriniń mindetteri men ókilettikterin aıqyndaıdy; 2) aýmaqtyq organdar men «Qazaqstan Respýblıkasy Ulttyq ekonomıka mınıstrligi Statıstıka komıtetiniń aqparattyq-esepteý ortalyǵy» sharýashylyq júrgizý quqyǵyndaǵy respýblıkalyq memlekettik mekemesi basshylarynyń mindetteri men ókilettikterin aıqyndaıdy; 3) eńbek qatynastary máseleleri joǵary turǵan memlekettik organdar men laýazymdy tulǵalardyń quzyretine jatqyzylǵan qyzmetkerlerden basqa, Komıtet qyzmetkerlerin qyzmetke taǵaıyndaıdy jáne qyzmetten bosatady; 4) Mınıstrliktiń jaýapty hatshysyna aýmaqtyq organdardyń basshylary men olardyń orynbasarlaryn taǵaıyndaýǵa usynady; 5) Mınıstrliktiń kelisimi boıynsha vedomstvoǵa baǵynysty uıym basshysyn zańnamamen belgilengen tártippen taǵaıyndaıdy; 6) eńbek qatynastary máseleleri joǵary turǵan memlekettik organdar men laýazymdy tulǵalardyń quzyretine jatqyzylǵan qyzmetkerlerden basqa, Komıtet qyzmetkerlerin issaparǵa jiberý, eńbek demalysyn berý, materıaldyq kómek kórsetý, daıarlaý (qaıta daıarlaý), biliktiligin arttyrý, yntalandyrý, ústemaqy tóleý jáne syıaqy berý, sondaı-aq tártiptik jaýapkershilikke tartý máselelerin sheshedi; 7) óz quzyreti sheginde Komıtet qyzmetkerleri men olarǵa qatysty Komıtet basqarýshy organ bolyp tabylatyn uıymdardyń oryndaýy mindetti buıryqtar shyǵarady, nusqaýlar beredi; 8) qoldanystaǵy zańnamaǵa sáıkes memlekettik organdarda jáne ózge de uıymdarda Komıtettiń atynan ókildik etedi; 9) Komıtettiń qurylymdyq bólimsheleri men aýmaqtyq organdarynyń erejelerin bekitedi; 10) Komıtettiń jumys reglamentin bekitedi; 11) Komıtette sybaılas jemqorlyqqa qarsy áreketke baǵyttalǵan sharalar qabyldaıdy. 12) Qazaqstan Respýblıkasy zańnamalaryna sáıkes ózge de ókilettikterdi júzege asyrady. 23. Tóraǵa bolmaǵan kezeńde orynbasarlarynyń birine Komıtet qyzmetine jalpy basshylyq júkteledi. 24. Komıtet qyzmetin uıymdastyrýdyń ózge máseleleri, onyń qyzmetin qamtamasyz etetin laýazymdy tulǵalardyń quqyqtary men mindetteri, qurylymdyq bólimshelerdiń quzyrettiligi men ókilettiligi Mınıstrliktiń, Komıtettiń jumys reglamentterimen, Komıtettiń qurylymdyq bólimsheleriniń erejelerimen belgilenedi. 25. Komıtet tóraǵasynyń orynbasarlary: 1) óz quzyretteri sheginde Komıtet qyzmetin úılestiredi; 2) Tóraǵa bolmaǵan kezeńde Komıtet qyzmetine jalpy basshylyqty júzege asyrady. 3) olarǵa Komıtet tóraǵasy júktegen ózge de fnýksııalardy júzege asyrady. 26. Komıtettiń quzyretine kiretin máseleler boıynsha basqa memlekettik organdarǵa Komıtettiń atynan jiberiletin qujattarǵa Komıtet tóraǵasy, al ol bolmaǵan jaǵdaıda ony aýystyratyn adam qol qoıady. 4. Komıtettiń múlki 27. Komıtettiń jedel basqarý quqyǵynda oqshaýlanǵan múlki bar. Komıtettiń múlki oǵan memleket bergen múlik, sondaı-aq quny Komıtettiń balansynda kórsetiletin ózge de múlik esebinen qalyptasady. 28. Komıtetke bekitilip berilgen múlik respýblıkalyq menshikke jatady. 29. Eger Qazaqstan Respýblıkasynyń zańdarymen ózgeshe belgilenbese, Komıtet ózine bekitilgen múlikti óz betimen ıelikten shyǵarýǵa nemese oǵan basqa da jolmen bılik etýine jol berilmeıdi. 5. Komıtetti qaıta uıymdastyrý jáne taratý 30. Komıtetti qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady. Komıtettiń qaraýyndaǵy uıymdardyń tizbesi «Qazaqstan Respýblıkasy Ulttyq ekonomıka mınıstrligi Statıstıka komıtetiniń aqparattyq-esepteý ortalyǵy» sharýashylyq júrgizý quqyǵyndaǵy respýblıkalyq memlekettik kásiporny. Komıtettiń qaraýyndaǵy memlekettik mekemeler-aýmaqtyq organdardyń tizbesi 1. Qazaqstan Respýblıkasy Ulttyq ekonomıka mınıstrliginiń Statıstıka komıteti Aqmola oblysynyń Statıstıka departamenti. 2. Qazaqstan Respýblıkasy Ulttyq ekonomıka mınıstrliginiń Statıstıka komıteti Aqtóbe oblysynyń Statıstıka departamenti. 3. Qazaqstan Respýblıkasy Ulttyq ekonomıka mınıstrliginiń Statıstıka komıteti Almaty oblysynyń Satıstıka departamenti. 4. Qazaqstan Respýblıkasy Ulttyq ekonomıka mınıstrliginiń Statıstıka komıteti Atyraý oblysynyń Statıstıka departamenti. 5. Qazaqstan Respýblıkasy Ulttyq ekonomıka mınıstrliginiń Statıstıka komıteti Shyǵys Qazaqstan oblysynyń Statıstıka departamenti. 6. Qazaqstan Respýblıkasy Ulttyq ekonomıka mınıstrliginiń Statıstıka komıteti Jambyl oblysynyń Statıstıka departamenti. 7. Qazaqstan Respýblıkasy Ulttyq ekonomıka mınıstrliginiń Statıstıka komıteti Batys Qazaqstan oblysynyń Statıstıka departamenti. 8. Qazaqstan Respýblıkasy Ulttyq ekonomıka mınıstrliginiń Statıstıka komıteti Qaraǵandy oblysynyń Statıstıka departamenti. 9. Qazaqstan Respýblıkasy Ulttyq ekonomıka mınıstrliginiń Statıstıka komıteti Qyzylorda oblysynyń Statıstıka departamenti. 10. Qazaqstan Respýblıkasy Ulttyq ekonomıka mınıstrliginiń Statıstıka komıteti Qostanaı oblysynyń Statıstıka departamenti. 11. Qazaqstan Respýblıkasy Ulttyq ekonomıka mınıstrliginiń Statıstıka komıteti Mańǵystaý oblysynyń Statıstıka departamenti. 12. Qazaqstan Respýblıkasy Ulttyq ekonomıka mınıstrliginiń Statıstıka komıteti Pavlodar oblysynyń Statıstıka departamenti. 13. Qazaqstan Respýblıkasy Ulttyq ekonomıka mınıstrliginiń Statıstıka komıteti Soltústik Qazaqstan oblysynyń Statıstıka departamenti. 14. Qazaqstan Respýblıkasy Ulttyq ekonomıka mınıstrliginiń Statıstıka komıteti Ońtústik Qazaqstan oblysynyń Statıstıka departamenti. 15. Qazaqstan Respýblıkasy Ulttyq ekonomıka mınıstrliginiń Statıstıka komıteti Astana qalasynyń Statıstıka departamenti. 16. Qazaqstan Respýblıkasy Ulttyq ekonomıka mınıstrliginiń Statıstıka komıteti Almaty qalasynyń Statıstıka departamenti. Buıryq Qazaqstan Respýblıkasynyń Ádilet mınıstrliginde 2014 jylǵy 3 qazanda Normatıvtik quqyqtyq kesimderdi memlekettik tirkeýdiń tizilimine №9779 bolyp engizildi.